Mapa do Patrimonio de Padrón

Castro Valente

O xacemento denominado Castro Valente ou A Cerca atópase no límite municipal entre Padrón e A Estrada, na marxe sur do río Ulla. Emprázase nunha contorna de fortes pendentes. Ten un control visual importante da ría de Arousa, do cruce do Ulla en Pontecesures e Padrón, e do paso ao interior desde este punto ao val de Vea e A Estrada, pasando xunto debaixo o tradicional “camiño do sal” que pasaba por Grobas e Fenteira (Ferreira Priegue 1988:115-116; Pérez Losada 2002:108).

Trátase dunha fortaleza de época romana e medieval de excepcionais dimensións. Ten unha superficie aproximada duns 100.058 metros cadrados (10 hectáreas), cunha lonxitude total da muralla que rolda os 1.250 metros. Consta dun único recinto delimitado por unha muralla na que alternan grandes bloques de granito con mampostería seca de mediano tamaño. Alberga no seu interior outeiros rochosos con rebaixes para asentar algún tipo de edificación. O xacemento, polo seu emprazamento fisiográfico, domina visualmente unha ampla panorámica, o que lle permite controlar tanto o curso do río Ulla e a súa foz na ría de Arousa, como a confluencia co Sar e o val deste. Do mesmo xeito controla os accesos terrestres e fluviais á Estrada.

Nunha das portas da muralla, atópase a Fonte de San Xoán, corada por unha inscrición “1706”, na que a agua caía nunha pía (hoxe está seca). Para Jesús C. Rodríguez está escrita por algún presbítero da veciñanza en 1706, se cadra coincidindo co traslado da ermida a máis abaixo, á Capela de San Xoán do Caeiro (A Estrada), onde hoxe está, á beira da pista que leva á Estrada. Na contorna da fonte aínda se ven as bases dun edificio aos pés da muralla. Cóntase que a imaxe de San Xoán que está na Capela de San Xoán do Caeiro veu desta fonte. Encontrárona alí cando fuxía cara ao monte mais collérono, quitáronlle os zapatos e xa non escapou máis.

Segundo tradición oral, un veciño da parroquia colleu a pía da fonte e colocouna no corral da súa casa, para darlle de comer aos porcos. De alí a uns días morréronlle todos. Non tivo máis présa que devolverlle a pía á fonte do santo. Castro Valente. San Miguel da Barcala. A Estrada. Pontevedra (M. Reimóndez 1990:79).

Outras lendas, tanto do Castro Valente como da Fonte de San Xoán refírense á existencia de mouros que tiñan alí as súas fogueiras, vigas de ouro enterradas, doncelas que pronuncian enigmas e se non se acertan desaparecen, ou incluso menciónase a existencia dunha cama de pedra que cura a esterilidade feminina, elemento común a outros puntos da xeografía galega.

Latitude/Lonxitude: 42.730716675, -8.606329083

Referencias: Patrimonio Galego + Capítulo Cero + Rabunho Rexeita

Bibliografía: Castro Valente, una fortificación de control del río Ulla, David Fernández Abella. Universidade de Santiago de Compostela/Argos, S.A.S. S.L. 2014

Imaxe: Elixio Vieites + Manuel Gago

castrovalente1

castrovalente2

castrovalente3

padron_banner

Accede ao mapa do Baixo Ulla clicando aquí

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s