Memoria histórica

Homenaxe a Celestino Carbia

Celestino Carbia Campaña foi rexedor entre 1931 e 1936. Estivo preso na illa de San Simón e foi fusilado en Monteporreiro. Esta fin de semana diversos actos lembran Celestino e outros veciños da zona albo da represión.

Celestino Carbia Campaña foi alcalde de Valga entre os anos 31 e 36. Foi co-fundador do Sindicato Agrario de Cordeiro, impulsor do cooperativismo no municipio e defensor da liberdade e dos dereitos das persoas, sobre todo das máis desfavorecidas,. Após o alzamento militar de 1936, foi detido e estivo preso en San Simón. Xulgado en Pontevedra por rebelión militar co resultado de sentencia a pena de morte. Fusilado en Monteporreiro, rexistrándose a súa morte a causa de hemorraxia. Tiña 39 anos. interna. Enterrado no cemiterio de San Amaro, en Pontevedra, a súa familia logrou traer os seus restos en 1977 ata o cemiterio de Cordeiro, onde repousan dende entón.

Esya fin de semana, Valga acollerá diversos actos de homenaxe e lembranza, impulsados pola asociación cultural Os Penoucos e a SC de Cordeiro, ao alcalde e demáis veciños represaliados. Vai ser, lembran, o primeiro acto de memoria histórica na localidade.

O sábado 7, a partir das 19:00h., no local do antigo teleclube de Cordeiro, haberá un coloquio no que participará Margarita Teijeiro, da Asociación O Faiado da Memoria, Raúl Soutelo, mestre e investigador e Manuel Carbia, neto de Celestino Carbia. A continuación, proxectarase o documental Aillados, de Antonio Caeiro, que relata a historia do campo de concentración da Illa de San Simón durante os anos da Guerra Civil (1936/1939), contadas polos seus protagonistas, os presos.

O domingo 8, terá lugar no cemiterio de Cordeiro, ás 13:30 h., un acto de lembranza e memoria ante a tumba de Celestino Carbia Campaña, onde se procederá á colocación dunha placa conmemorativa.

Texto: Sermos Galiza

Praza Pública

5carbia

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s